Vondoag es dee eschta Advent. Boolt es Wiehnachte! Lukas en Jan rede aul pienich ewa daut, waut se sich wensche. Etj wensch mie ditmol nuscht. Wudd mie oba seea freie, wan etj doch waut tjrie ;-) Uck wan et "bloos" een bet Tiet es. Een bet Tiet, dee tom Bespell du die nemmst, tom mienen Blog lese!
Vondoag stopp etj hia dree Bilda nenn: Daut eschte es von zemorjens. Wie troffe Eduard Ratzlaff enne Tjoatj (Foto bowe) - een gooda oola Frint, lewt nu en Kanada, en Winnipeg, woo se aula send. Daut tweede Bilt wiest Lukas - hee foawt em Tjala eene Waunt witt, wiels hee doa dee Simpsons nopp mole well. Bilt Numma dree es een Video (see wieda unje) - von vondoag Nomeddach, spontan, ohne verhea to eewe.
Eewe mott etj waut aundret: daut Leewe, daut Gootsenne...
Etj sie die goot - MyVideo
...hab mie aum WE von miene Junges mol wiese lote, woo MyVideo en YouTube funktionet. Eene maklije en lostje Sach es daut! Besondasch fe extrovertede Mensche. Ooda fe soone, woone sonst tjeen Publikum habe ;-)
2 Kommentare:
Etj denkj daut es fee me toom Advent?
Veelmool Dankscheen!
Has Du disse Leet selst jeschriewe? Etj ha daut seija jenusst. Etj spaear waut deepet.
Kommentar veröffentlichen