Twei gone tjene Mensche en Sache, wan daut Tratje stoatja es aus daut Jetrockne, en daut Tratje nich bloos von eene Sied tjemmt. Et tratjt mie tridj - bloos woohan? Hia es een Jedicht, daut etj ver ewa 10 Joa mol schreef:
* * *
Et schele dee Jedanke
En eenem Fluss nohus no die
Aus een kloaret blauet Mea
Tjemmst du mie vea
Etj sie von die
Von die sie etj jekome
En tridj no die kom etj
Wan uck en disem Bad
Et tratjt mie tridj
Soo stoatj es et noch nich jewese
Etj lidj, sie reed
Speel du mie tridj
Nich Latje, Dreppe, tjeen Jetjieta
Etj well daut Mea
Etj well daut Wota ohne Enj
Mett miene Henj well etj et feele
Etj well et ritje
Well et here
Mett dise Oge well etj seene
Waut etj noch nich seene kaun
* * *
2 Kommentare:
Очень жалко, что я не понимаю, о чем ты пишешь на своем языке....
Peter, it`s soo good to hear from you!
But sorry, I can´t read your Plautdietsch.
I would like to learn it!
You were a good German teacher, perhaps you are a good Plautdietsch teacher, too?
Kommentar veröffentlichen