Freitag, 7. März 2008

Soo onfeschemt en frintlich



Mitsch Teews (Miriam Toews) es onfeschemt en frintlich tojlitj - weens wan see ewa dee Menniste schrift. En earem Bok A Complicated Kindness lat see ons weete, waut eene junge Mejal en Kanada ewa Mennoniete dentjt. En ewa Leew. Goot senne es nich eenfach!...

Morje oppenowent es Miriam Toews toop mett Rudy Wiebe en Detmold - beid Autore ut Kanada woare ut eare Betja lese, en verhea uck bie eene Poodiumsdiskussioon mette Plautdietsch-Frind nobre.

Dee hochdietsche Ewasatinj von Teews en Wieb kaun maun bie Hendritj Siemens sien Tweeback-Verlag bestale. Siemens, dee nia President vom Vereen Plautdietsch-Freunde e.V. haft dise Les-Reis organiset.

Daut Bilt bowe es dee Coversied vonne Utgow Numma 9 (Somma 2005) vonne Tietschreft (Journal) Plautdietsch FRIND en wiest Rudy Wiebe. Dee FRIND es dee eensje Tietschreft oppe Welt, woone gaunz en goa opp en fe Plautdietsch jeschrewe woat.

Keine Kommentare: